Ka Deen Dayal Upadhyay Community and Skill Development Center, Wahiajer kawa man kam ka chant ka North-Eastern Hill University (NEHU), da pyndep ko yei e sikai ya ki warep ka Jaiñtia Hills kawa da e pyrtuid “Skill Enhancement for Horticultural Development and Sustainability for Farmers of NEH Region” deiwa ya krehlang wa ka Department of Horticulture, NEHU, Tura Campus wei kyrchaan poisa ka ICAR-IIHR, Bengaluru kawa da pynman ha ka 28 tarik uni u bnai.
Kiwa da yoh myntoi na kani ka e sikai da em ki 300 ngut heiwa yei sikai da yoh na Prof. C. P. Suresh, Department of Horticulture, NEHU, Tura Campus and Coordinator for NEH deilang u Phoida Rymbai, Agriculture Development Officer, Laskein Block, WJHD.
Ha kani ka e sikai ki warep da yoh ki yei pynche wa boon jait wei da yoh ki leh wow kylli bniah yei rukom rep.
Ha ka yalang pynkup burom ya kiwa chimbynta da wan wow sakhi da u Sniawbhalang Dhar, Deputy Chief Minister deilang kiwi de.
Hawa e yei klam da pynkynmoo u ya ki warep yei man kordor ki kaam ki hapoh ka ri wei da pynchlur u leh ya ki wow pynemkaam yei stat wa yoh thymme ki yow ye ki wow pynheh pynsan yei khih i khan ki.
Ha kani ka yalang da saam leh ki symbe jhoor cha kini ki 300 ngut kiwa da wan chimbynta.
Discussion about this post