U President ka USA, u Donald Trump ha ka rynsan Social Media da ong u wa kattæ da em i yaklam wa sakhiat bha wa kiwa synchaar thymme ka Iran yow pynkut noh yei lai thma ha kani ka ri.
Da ong u leh wa i yaklam toh iwa da lai bha chakhmat tangwa lada ym em ya mynjur iyi iyi wow kohngooh namo ym em ka Deal wa biang khlem da pynslem deiwa yooluti u mankaam heijooh i por lada ym wai ya ka Strait of Hormuz chisiendon. I wan sah ka US ha Iran daw pynkut ka deiwa tympdung tympra phrai waroh ki Electric Generating Plant, ki Oil Well deilang ka Kharg Island hadooh ki Desalinization Plant lada emkaam neibhah ya kini ym pu em tba hadooh kattæ.
Chooh chooh da ong u wa daw su kylliang neibynta ki chipai ka US deilang kiwi kiwa ka Iran da pynyap ko hei pait i pynlai ki bor warim la 47 snem.
Kini ki Desalinization Plants toh kiwa pynemkaam ka Iran yow pynkhooid ya ka um duriaw yow ye u pynemkaam ka.
Discussion about this post