I yakhih ka seiñ JAC wa kynthup ya ar tylli ki seiñ kamai truck, kitæ ka JHTOA wa ka EJHTOTA kawa da sdang nadooh ka 14 tarik uni u bnai ha Tuber Takhñiang, East Jaiñtia Hills District yow khang pyrchah ya ki Bulker Truck wow kit khyndaw-bilat napoh Ri-loom Jaiñtia dang pteiñ ko hadooh ynne ka sngi.
Ha ka yakhih yong ynne ka sngi wa ar, kiwa yahkhmat ka JAC wa kynthup ya u Chairman u Biangshwa Shylla uwa man leh u President ka JHTOA wa u Secretary JAC u Kyrshan Dkhar uwa man leh u President ka EJHTOTA, da dawa ki wow kyrriah smat noh ya ki Bulker Truck neibhah i em kini ki truck da chah ktah i yei kamai ki tre truck ka jylla.
Da pyntikna ki leh ynne ka sngi wow yieñ skem u pyrchah bait ya ki kari Bulker Truck, heiwa da ong ki wa kitu kiwa da thap mar (load) leh u li noh biang ki nei thaw wan kit, wei kitu kiwa mut u wan leh sñiawbha ham wan de.
Heijooh i por khut ki i yakrehlang yong ki dkhot ka JAC khnang yow jop iwa mut wa thmu ka seiñ
Discussion about this post