U Chief Minister ka jylla, u Conrad K Sangma ynne da wai u ya ka skur RMSA School Mawlieh, West Khasi Hills hei emlang u Minister ka chnat Education, u Lahkmen Rymbui, ki MLA ka thaaiñ wa kiwi.
U Conrad da ong u wa ka sorkar kwah ko wow pynku ya ki kaam pynroi ha kylleiñ ka jylla deiwa kyruiñ kam cha i puræ puthi.
Da ong u wa i pynlut neibynta ki khynroo wa i puræ man iwa emkaam khnang wow ku ka jylla liang wanang wei itæ ymtoh du wow chna ya ki skur wa ki building næ wow pynbiang ya iwa emkaam tangwa emkaam bha u pyrkhat kammon wei heiwon u pynlut.
Ya ka RMSA School Mawlieh da chna nyngkong kam ka Private School wa pynlai da ki 7 Chnong nadooh u 1961 wow e yei stat i tip ya ki khynnah wei man ko kawi na ki skur wa rim tam ha West Khasi Hills District khamtam ha thaaiñ ya kawa da pynman won hadien kam ka Government UPS.
Neidaw wym em ki Secondary School ha ka thaaiñ wei wow pyndam yei sangeh skur ki khynnah, ka sorkar da rai ko wow pynku kyrdan ya ka kam ka Secondary Level ha Samagra ha u 2014-2015 wei kam ka Higher Secondary ha u 2023-24.
Discussion about this post