U Chief Minister, Conrad K Sangma, ynne da wai u ya ka PRIME Hub ha Pyndenglawar, Nongstoin hei emlang u MLA ka Nongstoin, u G Wahlang, u MLA ka Rambrai, u R G Momin wa kiwi.
U Conrad hawa e yei klam da ong u wa i daw wa booh ya ki PRIME Hubs ha kylleiñ ka jylla toh wow yoh khih ki bru neibhah wa boon ki kabu cha ki thaw wa palatsor ka jylla nadooh ki mar rep wa kiwi.
Da ong u wa kini ki Hub daw ye ki wow hikai kammon u chet, song wei kamjooh wow wailaad ya ki wow dawli ya ki mar.
Ya kani ka PRIME Hub ha West Khasi Hills da chna hei lut wa Rs 5.92 Klur kawa man katkam ka juk wa katni.
Ya kani ka PRIME Hub daw pynkrehkaam da ka Pyndenglawar Intergrated Village Cooperative Society (IVCS) lyngba ka Community-Public-Private (CPPP) Model hei wow myntoi ki 3,500 ngut kiwa rep.
Discussion about this post