Ka JNC Laskein Block Circle hei yahkhmat u President, u Imonmideiwi Suchiang deilang wa u Finance Secretary, u Dawanmi Suchiang wa kattu katni ki dkhot, da lai yachem ko wa u Executive Engineer ka Electrical Division PHE, u R. Nongtdu heiyatoh waka Greater Water Supply Scheme kawa em ha ka chnong Raliang (Pyntei), neidaw wym em u biang i rukom pynpoi um ha ki Top um ha kani ka chnong.
Neiliang ka seiñ da pynsñiaw ko ha u EE wei da e leh wei thoh heiyatoh wa i pynkrehkaam ya kani ka Scheme saam umkor kawa em ha Raliang.
Ka seiñ da ong ko wa iwa phylla hapyrdi wa da pyntikna wei pynbna ki ha kini ki por kiwa dadep wa hadooh kamwa 75% ki chnong wa da pynpoi um tangwa ka rukom krehkaam won man ko du kam wow booh mot sahnaam donhi neidaw wym em biang ka rukom pynpoi um cha ki Top.
Da chem leh wa em ki por lada wan ka um ha ki Top tangwa ym em won wa khang wa pait wa sylli hadooh wa boon boon kynta ka um da chlai roi ko cha madan, em ki por won da ki tayaaw ka um ym em u wan ko ha ki Top, wei ini pynyoo ko wym em u chimkhia wei leh khalær kiwa kreh ka chnat katkam wa da pynkup ha ki.
Neiliang u EE da kular u wow chimkhia yeini wei wow leh yeiwa emkaam wow pynbha pynmiat wei da pynsñiaw u leh ha ka seiñ wa dap u dei sñiaw diaw hawa sñiaw u kam kani ka khubor wa ujor ka seiñ neidaw wa leh khalær kiwa kreh.
Ka seiñ da e por ko hapoh chi bnai wow pyntikna wa lai bait i pynkrehkaam ya kani ka Scheme lym kamtæ daw pyrkhat ka seiñ da kawi won ka luti.
Discussion about this post