Ka BJP East Khasi Hills District hapoh i yahkhmat ka District President, ka Priambada Blah wa u heh ka Party, u Dhosing Mukhim da pynman ki ya ka yalang ha Nongdawah, Mawryngkneng heiwa da em em boon kiwa psiah cha ka Party kiwa man ki dkhot kiwi ki Party.
Da ya emlang leh ha kani ka sngi wa ki heh Party wa kynthup ya u State Vice President, u Khrawboklang Basaiawmoit, u State Executive Member, u David Kharsati, u State Yuva Morcha President, u Mewaker Lyngdoh deilang wa kiwi de.
Ha kani ka sngi neiliang ka District President da pynkup burom ko leh kiwa kitkaam thymme wa kynthup ya u Mandal President, u Rimanbha Mukhim deiwa kitbok kitrwiang ya ki.
Hawa e yei klam, ka Priambada Blah da ong ko wa iwa sdang boon kiwa kyrchaan ya ka BJP kam ha Mawryngkneng pynyoo ko wa da pdiang ya ka Party wot ha ki thaw wa em cha palatsor iwa nachwa duna bha, kamtæ da ban joor ko wa ini pynyoo wa ka BJP toh kawa ye wow wanrah yei roi i paar ha waroh kawi ka jylla.
Da khana ko leh wa da em boon ki bru wa bna naam kiwa da kwah wow yaleh Election na ka Mawryngkneng Constituency iwa pynoo leh yei chaniah hei yahkhmat ka Party deilang kiwa yahkhmat ko.
Kamtæ da ong ko wa ka BJP da yooluti wow yahkhmat ya ka sorkar ha u 2028.
Discussion about this post