Uwi wa chong chnong ka Jowai u wym kwah wow pynmih pyrtuid, da ong u wa ynne ka 18 tarik da em i sahkut kari wa joor bha ha Jowai wei iwa phylla bha neibhah wym yoo Traffic Police nadooh na laad Kiang Nangbah College tymbud luti ka Ladthadlaboh wei ha Iawmusiang da em du kattu katni ngut donhi ki pulit wa pynlai kari iwa da wanrah yei sahkut kari wa joor bha.
Da ong u leh wa na ki daw wym tip, em ki sngi ha ka chi tayaaw wym yoo ya ki Home Guard næ ki Traffic Police wei manda ieh ki yei kaam wa toh u leh ki ha Jowai da man iwa eh tangwa hawa em hi ki man ko iwa lai bait. Ini ye u man wa duna bru lane wym em biang i rukom bhah kreh ya ki neibhah wa em ki sngi kiwa kongsan bha wow em kiwa pynlai kari tangwa ym yoo ya kiwa toh u leh yei kaam.
Ini khamtam toh iwa eh bha ha ki sngi Saturday heiwa kiwa yah kari ym em man ki kiwa boon ya ki kyndon nadooh i rukom yah wei da pynyieñ kari ki ha ki thaw wa khynnia hanla tip ki wa daw wanrah yei sahkut kari.
Ha ki sngi yaaw hawa wan kiwa boon na kiwi ki chnong cha Jowai, wot ki kari Ambulance leh sahkut ki, kamtæ da emkaam bha wow em kiwa pynlai kari yow lait u jia ini waroh.
Lada ym em kiwa pynlai kari daw sñiaw ki paidbah wym em da chimkhia yeiwa emkaam wei da sñiawkhia leh ha ki sngi chuti wa i kaamram ym em da chimkhia ki tangwa ini i kaam ymtoh wow ieh ha iwon iwon i por.
Kamtæ da ong u wa lada jia ma jia kamni daw pynpyrkhat ko hadooh katwon chimkhia ki bor wa toh u pait yeini neibynta i bha i miat kiwa lai wa wan.
Discussion about this post