Uwi u bru da yap u nei ngam-um ha ka wah Umtrew ynne i step ka 19 tarik heipor 8:30 wa em hajan Umran Dairy ha Ri-Bhoi District.
Ya uni u bru da tip kam u Elias Kurbah uwa na Mawprem, Shillong.
Ka khubor wa da yoh da ong wa u Elias da lai sum u ha wah Umtrew chirup wa ar ngut ki lok, u Shanborlang Marbaniang uwa na Mawiong Mawjapun wa u Charleston Gatphoh uwa na Mawprem, Nohsngithiang wei dang sum ki heipor wa ngam syndet u Elias.
Kini ki ar ngut da pyrchang ki wow pynlait oo tangwa da ngam noh u heiwa da pyntip noh ki cha Umsning Police Station kiwa da poi ha i thaw chirup wa ka State Response Team (SRT) na Shillong wa ki pulit ka Fire and Emergency Services na Nongpoh.
Ya i metyap da kit cha Nongpoh Civil Hospital wei da e kti ya i metyap cha kiwa ha-yung ha-sem.
Discussion about this post