Ha iwi i jia ha ka Korba District ka Chhattisgarh, uwi u kurim da khrai khlieh u ya ka kurim hi u deiwa ah da ka tari wei da uiñ u hapoh ka chnong deiwa rahlang yei khlieh wei da thap u ki leh hapoh churia.
Kiwa chong chnong da pyntip ki cha ki pulit wei manda poi ki pulit uni bru da ong u wa da ah u yei khlieh ka kurim wa maya u palat yei mynsien yong oo wei na ini i daw da pynyap u ka da ka tari.
Da khana u wa ka kurim u toh kawa suba sih bait oo hadooh wa poi chei yamai ki man-i-por. Ki bru wa tip yeini da ong ki wa kini ki ar ngut da muiad kiad ki heipor wa jia ini.
Ki bru da ong ki leh wa da em chisien wa uni u kurim deiwa chrai u da ah u da ka tari na rdang ka kurim u tangwa ym em da mynsoo joor ko.
Da ong leh wa heini wa jia khaddooh, da emlang leh ki khon ki kiwa em ar ngut heipor wa jia ini. Yei takit yeini wa jia da leh da ki pulit ka Jagamaar Police Station wei ini i chnong wa jia toh iwa tip kam i Bundeli.
Uni u bru da tip pyrtuid kam u Salik Ram Yadav (45) wei kreh u kam u bru wa yang miet ya kawi ka Farm ri syiar yong u Kaushal Sahu ha kani ka chnong. Da sah u leh ha kani hi ka Farm wa ka kurim u, ka Chhek Bai (42 snem) deilang wa soo ngut ki khon ki.
Hadien wa joor bha i yamai ki ha ka 22 tarik uni u bnai deiwa suba sih biang ka kurim u, dapoi chei sai tari wei pynyap syndon u Salik ya ka kurim u wei khrai khlieh syndon u ka.
Manda poi ki pulit da kylli na oo yei snaam wa bi ha sula u heiwa da jubab u toh i yong ka kurim u kawa maya bha u. Wei hadien wa pynyap u ka da mut u wow lai cha Police Station deiwa rahlang wei khlieh ko hapoh churia.
Discussion about this post