Chah kem uwa psiah deilang ki tiar yasiat cha ka yalang wa yachem u Donald Trump wa kiwa pathai khubor

Ki pulit ka Secret Service da kyrriah ki ya u President ka USA, u Donald Trump chirup u Vice President, u JD Vance wa kiwi ki heh katai ka ri katwa dang man ka White House Correspondents’ Dinner ynne i step i por India tangwa dei miet ka 25 tarik cha ki.

Ki pulit ka Secret Service da psiah ki ha ka kamra Banquet Hall wa pynman ya kani ka yalang hadien wa em i yasiat hapoh ka Washington Hilton Hotel kawa man ka thaw wa pynma ya kani ka yachemlang kiwa thoh khubor wa u President, heiwa da phah ya waroh wow rieh ki katwa dang man i baam sñiawbha.

Katkam ka khubor wa da yoh da ong wa uwi u bru wa tip kam u Cole Tomas Allen na Torrance, California da rah u ya ki tiar siat chapoh kani ka Hotel heiwa da em i yasiat hapyrdi yong oo wa ki pulit ka Secret Service heiwa uwi u pulit sa chah siat u tangwa da lait u nei mynsoo neidaw wa sap u ya ka Bullet Proof Vest.

Ya u Cole da ye wow kem noh wei hadien kattu katni por u Trump da pynbna u wa ya i baam sñiawbha daw pteiñ i hadien deiwa yaroh ya ki Secret Service.

Related posts

Pynskem ka JSM Western Region ya kiwa kitkaam wow chakri ya ka Ri Jaiñtia

April 26, 2026

Pyndam u Trump yei lai yaklam wa ki heh ka Iran | Sahkut i yaklam yasuk

April 25, 2026

Ini i baam sñiawbha toh iwa chisien chi snem wei ynne hapoh ka Hall da em ki bru pawnaam nadooh kiwa pathai khubor, ki heh saiñ hima, ki Actor wa kiwi.

Hadooh wa pynmih ya kani ka khubor ymtip iyi i thmu u Cole katwa i takit dang lai i chaphrang.