Mynjur u Lat yow tipmit ya ka ktien Khasi wa Garo kam ki Official Language ka Meghalaya

U Lat ka jylla, u C. H. Vijayashankar da e u ya ka muhor u neibynta ka The Meghalaya Official Language Ordinance, 2026 yow tipmit ya ka ktien Khasi wa Garo kam ki Official Language ka Meghalaya najrong ka ktien English.

Neiliang u Montri Rangbah ka jylla, u Conrad K Sangma da ong u ini daw pynklan ko yei dawa wow tipmit noh ya ka ktien Khasi wa Garo hapoh ka Eighth Schedule.

U Lat da e u ya ka muhor u ynne ka sngi wei da pynmih ka leh hapoh ka Gazette of Meghalaya tangwa ki kaam wa yatoh wa ki mukotduma (Civil & Criminal Court) daw pteiñ wow leh hei ktien English hapoh ka jylla.

Hapoh ka Meghalaya Legislative Assembly yei kaam i jaam yong ka u leh katkam ki kyndon ka Meghalaya State Legislature (Continuance of the English Language) Act, 1980.

Related posts

Takha ka khynnah hawa dang lai skur nei tyrrah kari ha Khliehriat

August 19, 2026

Pynsuk ka Recruitment Drive kawa da sdang na Jowai yow lait u lai thooh kreh cha jngai

August 18, 2026

Hawa phah won ya ki kot ki sla na kawi cha kawi ka District daw pteiñ wow pynemkaam da ka ktien English.

Tangwa hapoh ki District won ye wow pynemkaam da ka ktien Khasi wa English ha ki District ka Khasi wa Jaiñtia Hills deilang ka Ri-Bhoi katwa ha ki District ka Garo Hills ye wow pynemkaam da ka ktien Garo wa English.