Khloh uwi yei metyap ka payu wow rah cha Bank kam ka sabut yow sai ya ka poisa

Ha iwi i jia wa pynkhyrngiat ya kiwa boon, uwi u bru na Odisha da khloh u yei metyap ka payu u wei da rah ka cha ka Bank kam chibynta wow sai ya ka poisa wa da thap ko ha Bank. 

Ini da jia i ha Maliposi Branch ka Odisha Grameen Bank wa em ha Patana Block ka Keonjhar District.

Ya uni u bru da tip kam u Jeetu Munda (55 snem) uwa na ka chnong Dinali wei da khana u ya ki pulit wa da leh u kamni hadien wa phah ki Manager ka Bank wow wan chirup wa ka tre Account tangwa ka payu u toh kawa da khlaad le bnai chwa hadien wa kjut wa chitom ko, wei kani ka poisa toh kawa da yoh ko neiwa dai ya ka masi ko.

U Jeetu da thmu u wow sai Rs. 20,000 na ka Bank Account ka payu waheh u, ka Kalra Munda kawa da yap ha ka 26 tarik u January.

Da khana u wa da lai u cha Bank boonsien wei ha Bank da phah ki wow yah u ya ka tre Account wow sai ya ka poisa hanlada khana u ya ki wa da yap ko. Kamtæ dei chrai da khloh u yei metyap ko wei da rah u ki cha ka Bank kam ka sabut wa da yap ko. 

U Inspector-in-Charge ka Patna Police Station, u Kiran Prasad Sahu da ong u wa ka Bank ym em khana che ko ya u Jeetu kammon wow leh khnang wow ye u sai ya ka poisa.

Related posts

Lute ki damok wa rah Pistol palat Rs. 50 lak na ka chnat ka SBI

April 28, 2026

Lehkmen ka Aditya Birla Sun Life Insurance yei dap 18 snem i em ha Jaiñtia Hills

April 28, 2026

Chooh chooh da ong u wa u Jeetu ymtoh u bru wa stat wei toh u bru na ka jaitbru ri-loom wei ymtip u ya ki kyndon aiñ wei kiwa kreh ha Bank leh ym em batai che ki ya ka rukom wa toh u leh hawa sai poisa na Account ki bru wa da yap.

U Block Development Officer (BDO) u Manas Dandpat da ong u wa man ka sien wa nyngkong wa sñiaw u kamni wa jia.

Neiliang ki pulit da kular ki ya u Jeetu wow yarap ya oo wow sai ya kani ka poisa na ka Account ka payu u wei hadien da tlep biang yei metyap ko.