Kiwa dang wan lehniam na Himachal Pradesh deiwa lai cha Punjab da chah thang pynim ki hadien wa ka kari wa chong ki da noh ko cha synrang wa yillu kamwa 200ft iwa da jia ha ka 29 tarik uni u bnai.
Kani ka kari toh kawa Register ha Ludhiana wei da em ko ar ngut kiwa chong hapoh wei i thaw wa jia toh ha u sarok Bharwain-Hoshiarpur Road wei man u u sarok wa boon bha ki thaw wa dong wei ha i bynta wa jia toh iwa dang dep oor i rood sarok wei ym em leh kær ki deiwa em ka synrang ha ini i thaw wa jia.
Katkam wa yoh u riñ ka CCTV wa em ha kani ka thaw, kani ka kari da toh u dong ko tangwa da lai bait ko deiwa noh chapoh synrang.
Hachwa wow poi ha kani ka thaw wa da yoo wa em iwa hær nadien kani ka kari heiwa da suba toh wa ye u man wa pdung ka chaka iwa pynman ya uwa yah wym ye de u wow khun wei pynsangeh heiwa da suba leh wa mih ka Airbag leh iwa pynman ya uwa yah wym chynna de u.
Kat u poi ki pulit wa ki kari tympleh diñ, kani ka kari da iñkhaw lut ko heiwa ya iwi i metyap da chem cha lait ka kari katwa iwi won da chem hapoh ka kari.
Kani ka kari toh ka Maruti Swift Dzire kawa em Number PB-10K-7531.
Ki pulit da chem ki leh ya kawi ka Aadhaar Card wa iñ na kani ka kari tangwa ympu tip yei pyrtuid kiwa khlaad.
Kini ki ar ngut toh kiwa dang liwan na ka Chintpurni Temple kawa em ha Una District ka Himachal Pradesh dei thmu wow lai cha Ludhiana, Punjab.
Discussion about this post