U Forest Ranger ka Assam ha Lakhimpur uwa man kam u Topper ka Assam Public Service Commission (APSC) Examination, da chah kem u ha ka 1 tarik uni u bnai hadien wa chem ya oo wa baam tangka u iwa da jia hapoh ka thaw sah u (Quarter) iwa da pynkhyrngiat ya kiwa chong chnong ka jylla.
Uni u bru toh uwa tip kam u Sibasish Sandilya uwa em hapoh ka Assam Forest Service wei kreh u kam u Forest Ranger ka Lakhimpur Range, heiwa da chah pynbaad u wa da dawa poisa u Rs. 6,000 kawi ka kari Dumper chi bnai na uwi u bru yow pynlait ya ki kari u wow lai khlem da chah pynthut hawa kit ya ki mar wa mih napoh khloo.
U Sandilya da man u kam u Topper ka APSC Examination ha u 2020 neibynta ka Assam Forest Service iwa da pynman yeini wa chah kem u iwa rap neh hei pyrkhat ki bru.
Uni u bru wa chah dawa poisa dei ym bien u su, da lai pyntip u cha ka Directorate of Vigilance and Anti-Corruption (V&AC), Assam kiwa da phah ya ki bru yong ka ha ka 1 tarik yow lai cha ka Range Office Campus wa em ha Lakhimpur.
Kamtæ da yang ki hadooh wa u Sandilya chim u ya ka poisa wa Rs. 12,000 kawa da dawa u na u tre kari wei heini i por da psiah wow kem ya oo deiwa emlang kiwi kiwa sakhi.
Hadien ini da lai kynreh leh yei yung wa sah u Sandilya iwa em ha Guwahati Zoo Road wa ha Shantipur kamjooh ha Lakhimpur heiwa da chem ya ka poisa wa Rs. 5.68 lak.
Ya u Sandilya da chah pynngat ha ka kyndon Section 7(a) ka aiñ Prevention of Corruption Act, 1988.
Discussion about this post