Hanla tam ka BJP ha ki 191 tylli ki Constituency, ham pu ngait ong ka Mamata Banerjee

Ynne ka sngi, i ñiaw Vote yong ka Election MLA ha West Bengal da man i iwa lai bait heiwa hadooh wa pynmih khubor, ka BJP da tam ko ha ki 191 tylli ki Constituency wei bood won sa ka AITC ha ki 96 Constituency.

Hajrong ini, neiliang ka Chief Minister ka jylla kawa man leh ka Presidnet ka AITC, ka Mamata Banerjee da pynmih ko ya ka “Urgent Message” heiwa da kyntu ko ya kiwa kreh ka Party kamjooh ki kyrtong wym toh u ieh ki ya ki Strong Room namo ki thaw booh ya ki EVM wa ki Counting Area.

Da ong ko wa ka nadooh ynnin ka 3 tarik dadep ong ko wa ka BJP daw pynyoo ki wa tam ko heipor wa sdang i ñiaw Vote heiwa da sangeh ki leh wow ñiaw ha kiwi ki thaw.

Chooh chooh da pynbaad ko wa ha ki thaw kam ha Kalyani, ym em sariem ki kor EVM wei ini man i i kaam pyrchah ya ka TMC na waroh ki liang iwa da leh lyngba ki chnat wa ki bor pulit ka sorkar pyrdi. 

Related posts

Tam ka kong kawa yaleh na BJP ya ka boo kawa yaleh na ka TMC

May 4, 2026

E khublei u Conrad ya u Modi wa u Amit Shah

May 4, 2026

Ka Mamata da ong ko leh wa lyngba ka SIR, da pyrchang ki wow tooh Vote, wei katkam wa man kattæ dang tam ka Party ha ki 100 Seat, yeiwa da murieh khlem da khana.

Da ong ko leh wa ka Election Commission da kreh ko katwa ngait wei ki pulit ka sorkar pyrdi leh kreh ki wa ka.

Da kyntu ko leh ya kiwa kreh ka Party wym toh u sñiawsih ki heiwa dadep ñiaw Vote dang 2-4 Round wei i ñiaw Vote u lai i hadooh 14-18 Round.