U khlieh wei uwa sdang ya ka Party Tamilaga Vettri Kazhagam (TVK) ka Party wa sdang hapoh ar snem, uwa man leh u Actor wa pawnaam, u C Joseph Vijay da psiah u ha ki kaam saiñ hima ha u 2026 deiwa yakhun ya ka Assembly Election ha Tamil Nadu na Perambur ha Chennai wa ha Tiruchirappalli (East).
Hadooh 1:30 PM u Vijay da yoh u ha Perambur hadooh 40,339 Vote deiwa tam 16,452 vote ya u R.D. Shekar ka DMK wa ha Tiruchirappalli (East) da yoh u 29,448 Vote deiwa tam 12,173 ya u S. Inigo Irudayaraj ka DMK.
Ya u Vijay da tipmit da kiwa boon ki manyung ha Tamil Nadu heiwa da sdang u ya ka Party TVK chirup wa ka chaap yong i bisil wow yakhun pyrchah ya ka DMK.
I yakhun u ya ka Election na ar Constituency sariem i wa ka Jayalalithaa ha u 1991, heiwa da chah beiñ bha u ha u heh ka DMK uwa man leh u Deputy Chief Minister ka Tamil Nadu, u Udhayanidhi Stalin.
Hadien i takit ka CBI yeiwa jia ha Karur ha u 2025 heiwa da yap 41 ngut nei chah yooh chah ban heipor wa pynlait ya ka Film – Jananayakan, u Vijay da beiñ u ya ka BJP wa ka DMK.
Ya u Vijay da kha ha u 1974, wei toh u khon u Director, u SA Chandrasekhar. Ha u 2026 katkam ka Election Affidavit, da pynbna u chongdor ki thaw u Rs. 624 klur wa ki tiar ki tar u Rs. 404 klur.
Katkam wa man da mih leh ki Video wa lehkmen kiwa ha-yung ha-sem yong u Vijay.
Ka TVK katkam wa man kattæ da tam ko ha ki 108 tylli ki Constituency, ka ADMK ha 54, ka DMK ha 53, ka PMK 4, ka INC 4, ka CPI 3 wa ka IML 2. Waroh da em 234 tylli ki Constituency.
Discussion about this post