Ka Voice of the People Party (VPP) da wiar ko na ka yalang yong ki seiñ saiñ pyrthai wow phyllu yumut hajrong ka bui (Report) ka Expert Committee wa yatoh wa ka Reservation Policy næ ka aiñ bhah kreh ha ka jylla.
Kam wow kdaw heini, ka VPP kawa em ha ka Liang Pyrchah da pynsñiaw ko hapoh ka Yung Dorbar Chna Aiñ wa ym yahaap ko ya ka bui wa e yumut ka Expert Committee heipor wa wanrah hapoh ka Dorbar, heiwa u MLA ka VPP, u Ardent M Basaiawmoit da kyntu u ya u Montri Rangbah wow khut yaklam biang hajrong ka bui yong ka Expert Committee.
Kamtæ ka sorkar da khut ko ya waroh ki seiñ saiñ pyrthai wow phyllu yillu ya kani ka bui, tangwa ka VPP ym em poi ko.
Hadien ka yalang, u Commissioner & Secretary ka chnat Home (Political), u CVD Diengdoh da ong u wa ha kani ka yalang da pynyoo lut yeiwa chem ka Expert Committee hajrong ka Reservation Policy, wei neiliang u Montri Rangbah da phah u wow e Copy leh cha waroh ki seiñ wei kani ka bui em ko hadooh 21 Volume wei hadooh kamwa 4,000 sla.
Heiyatoh wa i wym em wan ka VPP, u CVD Diengdoh da kyntait wow ong iwon iwon, tangwa ka VPP da phah donhi ko ya ka chthi wa ym ye ko wow wan.
Katkam ka chithi wa da phah ka VPP, u President ka VPP, u Ardent M Basaiawmoit da pynsñiaw u wa i por ym yahap i neibynta kani ka yalang neibhah katni dang boonkaam wa ki bynta wa kongsan wa ktah ya ka jylla wa ya ki paidbah kawa emkaam u chimkhia smat ka sorkar.
Lait na ka VPP, waroh ki seiñ saiñ pyrthai wa kynthup ya ka United Democratic Party (UDP), ka Bharatiya Janata Party (BJP), ka Trinamool Congress (TMC), ka National People’s Party (NPP), ka Khun Hynniewtrep National Awakening Movement (KHNAM) wa ka Hill State People’s Democratic Party (HSPDP) heiwa da klam hajrong kani ka Report ka Expert Committee.
Discussion about this post