Ka Jaintia Students’ Movement (JSM) lyngba ka Education Cell Central Body ha ka 6 tarik uni u bnai da phah dorkhat ko cha u Chief Minister wa cha u Education Minister ka sorkar Meghalaya hajrong ka CUET (UG) Exam Centre ha Jaintia Hills, kamjooh leh ha katai ka jooh ka sngi ka seiñ da yachem ko wa u Commisioner & Secretary ka Educational Department yow pynsñiaw yei eh i khoo kiwa lai puræ kiwa yaleh neibynta ka FYUP Course neidaw wym em Centre haka thaaiñ katkam wa emkaam yow ye u thoh Exam.
Ka seiñ da pynsñiaw ko yei dawa wow em kani ka Exam Centre neidaw wa jngai ka luti wei daw hap pynlut nadooh ka bai lai bai wan chadooh Shillong, Tura næ cha Assam wa cha kiwi kiwi ki thaw wei ini da ktah bha chiboon khamtam ya kiwa wan na ki manyung wa dooh wa duk kiwa na Jaiñtia Hills.
Ini i dawa ka seiñ ymtoh de i sien wa nyngkong heiwa nadooh u snem 2024 ter-ter da lai yaklam ko heiwa da tip che katkam ka chithi wa da pynmih da ka Office u Director Higher & Technical Education Meghalaya, Ref. No. DHTE/TE/JEE/177/2021/241 Dated Shillong, the 23rd January 2026 da ong wa da em ka Exam Centre neibynta ka CUET(UG) ha Jowai Polytechnic 50 System/Nodes.
Hajrong kani ka yurim ka JSM yieñ skem ko wow dawa na ka sorkar Meghalaya na ka NTA kamjooh na ka NEHU neidaw wym em pynkrehkaam ki ya katæ ka Centre katkam wa da kdaw ha ka chithi toh u e da ka One-Time Exemption neibynta ki khynroo khyllood kiwa na Jaiñtia kiwa yaleh Admission neibynta ka FYUP 2026 Session khnang u lait ka mynried yong ki u sep du neidaw wym em krehkaam ka Exam Centre hajrong wa da em.
Ka JSM da ong ko wa ini i dawa ymtoh wa kwah ko du yei suk tangwa hap emkaam u em Exam Centre wei wow pynkrehkaam ya ka khnang wow man iwa ya ryngkat katkam ka Article14 (Right to Equality), wei daw booddien hadooh wa yoh thaw puræ FYUP kiwa thrang.
Discussion about this post