Pyndam ka JHADC yei tipmit ya ki kur ki jait ki Biate wa kiwi de ki jaitbru

Ka Executive Committee ka Jaintia Hills Autonomous District Council (JHADC), ynne da pynmih ko ya ka pynbna (Notification) yow pynkylla yei tipmit ya ki kur ki jaitbru Biate wa kiwi de ki Tribe.

Ha kani ka Notification da ong wa ha ka Annexure-II wa da pynbna ha 29 tarik u April 2026 da booh ya ki kur ki jait yong ka Biate Tribe wei da tipmit leh ya kiwa ki Tribe neidaw wa da chong da sah ki da slem, kamtæ da pynkylla ya kani ka Notification yow pyndam noh yeini i tipmit ki.

Kam wow pynkynmoo wa ha kani Annexure-II da em ar bynta heiwa ha ka (A) toh ki kur ki jait (Clan) ki Biate Tribe heiwa da tipmit ya 12 tylli. Ha ka (B) won toh yow tipmit ya kiwi kiwa man kam ki Indigenous Tribe neidaw wa sah slem ki heiwa heini da em 26 tylli ki kur ki kur ki jait.

Da kani ka Notification wa da pynmih ynne da pyndam noh yeini i tipmit ya kini waroh wa em hapoh ka Annexure-II.

Related posts

Khut sñiawbha ka Seiñ Raij Tuber cha ka Behdieñkhlam 2026 | Da booh kyndon leh ya kiwa wan chongdai

July 13, 2026

Hapoh ka aiñ POCSO da pynngat ya u Nurse ka NEIGRIHMS uwa jrong kti ya ka kynthai kawa dang dep chah pooid

July 13, 2026

Puræ leh: Pynbna ka JHADC ya ka thup wa ar ki kur ki jait wa da yoh yei tipmit wa kynthup ya ki Biate wa kiwi de