Chukor ki kattu katni ki waheh chnong ya ki paidbah ka Ri-loom Jaiñtia

Ka Toll Plaza ha Ialong man ko kawi na ki mat wa man kam u moochynthut ya ki paidbah ka Ri-loom Jaiñtia heiwa neipor cheipor mih i awri hawa khrong dan ko na ki kari na West wa East Jaiñtia Hills.

Ha kani ka kynti u Deputy Commissioner ka West Jaiñtia Hills ha ka 17 tarik u March 2026 da pynmih u ya ka hukum hadien ka yalang wa da chong ha ka 9 tarik u February heiwa da rai wow khrong noh ya ka dan na waroh ki kari lait kiwa na chnong Ialong, Pasyih, Phramer, Sabah Muswang, Muthlong, Mookaswan, Nangbah wa Mihmyntdu.

Kamtæ ynne ka sngi ki seiñ JNC-Western Zone chirup wa ka PSM, HYC wa kiwi ki seiñ kari kamai da lai yachem ki ya u Deputy Commissioner ka West Jaiñtia Hills, u Abhinav Kumar Singh wow pyrchah yei khrong dan ya ki kari kiwa em Number ML04 wa ML11.

Hadien ini u DC da phah u ya ki wow yachem ya ka ADC ka D.V. Lyngdoh wei neitæ won da yachem biang ya u DC.

Related posts

I su bai Toll Gate chongdor i ar tylli ki kot kari, ong u President ka seiñ kamai Iooksi-Saphai

May 11, 2026

Du u President samen ka seiñ kari kamai wa tip ya ka hukum u DC

May 11, 2026

Hawa yaklam wa u Hamehi Bamon uwa man u President ka JNC-Western Region da ong u wa katni kani ka Toll Plaza wa pynlai da ki baar jylla da yoohbeiñ ko yei hok ki khon ka Ri-loom Jaiñtia deiwa lehbor wei khrong dan na ki kari.

Da ong u wa hawa kylli na u DC hajrong kayi ka yurim wa pynmih ya kani ka hukum, neiliang u DC da ong u wa da yohbor na ki kattu katni ki waheh chnong wa ki seiñ wei ini da pynsñiawsih i deiwa joor ya ki paidbah ka thaaiñ neibhah pyn da ki bru yong i hi wa leh ya ini i kaam wow chukor ya ki paidbah.

Chooh chooh da ong u wa ini i leh ki waheh chnong kopsar em iyi iyi cha lyndet, deiwa pynrap wa ka JAC pyn hapoh kani katayaaw daw chong pyrkhat ko yeini i kaam khang wow suk ki paidbah.