Ka Cabinet ka sorkar jylla ha ka 19 tarik uni u bnai da pdiang ko ya ki le tylli ki Service Rules yong ka Health and Family Welfare Department, kam chibynta i angnood ka sorkar wow pynjanai ya i rukom thung kreh, i ku kyrdan wa kiwi.
U Chief Minister ka jylla, u Conrad K Sangma da ong u wa ka Cabinet da pdiang ko ya ka Meghalaya Clinical Psychologist Service Rules, ka The Meghalaya Occupational Therapist Service Rules wa ka Meghalaya Family Welfare Education Service Rules.
U Conrad da ong u wa ka sorkar da phah ko ya ki Department wow em jar jiar ki Service Rules chwa wow khut kreh næ pynku kyrdan.
Da ong u wa ki Service Rules toh ki kyndon wow klam che heiyatoh wa i rukom thung kreh, i pynku kyrdan wa kiwi neibhah nachwa boon ki chnat kiwa krehkaam khlem kini ki kyndon kamtæ ka Personnel Department da phah ko ya waroh ki Department wow em ki jar jiar ka Service Rules yow khooid i kaam.





Discussion about this post