Mih i Video wa pynyoo yeiwa chah yooh uwi ha ka lieñsuiñ heipor wa dang mut ko wow hær

Ha iwi i jia wa sñiaw phylla, uwi u bru da chah yooh u hadooh wa yap ha kawi ka lieñsuiñ iwa da jia ha USA ha Denver International Airport, Colorado hei miet ka 9 tarik uni u bnai.

Kani ka lieñsuiñ toh ka yong ka Frontier Airlines wei ini da jia i heipor wa kani ka lieñsuiñ dang mut ko wow hær wei uni u bru toh uwa da ku ya ka kynroh ka Airport wei dapoi u cha ka luti wa pynemkaam ki lieñsuiñ.

Kattæ da mih leh i Video wa pynyoo yeini wa jia heiwa kani ka lieñsuiñ kawa man kam ka Airbus A321neo dang lai smat bha ko chwa u hær heiwa da yooh ko ya uni u bru.

Katkam wa pyntip da ki bor wa pynlai ya ka Airport, uni u bru da ku u ya ka kynroh wei da lai u cha ka luti wa pynemkaam ki lieñsuiñ wei da chah tyrrah u heipor 11:19 i miet wei kani ka lieñsuiñ dang lai ko 139 mph dei thmu wow hær noh.

Mar ya chah tyrrah uni u bru kop diñ wot leh ka Engine ka lieñsuiñ.

Uwi na kiwa chong hapoh ka lieñsuiñ da ong u wa da yoo u yei kjat bru wa skit hapoh ka Engine wei da em leh i pdung wa rap heh.

Related posts

Khyrwait uwa e buit ka Hima Sohra yeiwa pynkylla Politics u Ardent yei e Sanad ya u Syiem

May 11, 2026

Hanla pyndait da ki kynja yit dang em hi wa wan lai jung

May 11, 2026

Kani ka leiñsuiñ mar ya jia ini da sangeh ko wei hadien da pynhiar ya waroh ki 224 ngut kiwa chong hapoh.

Katkam wa man kattæ ym pu em pynmih yei pyrtuid uni uwa chah yooh.