I yaklam hapyrdi kiwa pyrchah ya ka Shree Cement wa ka sorkar jylla ym em mih soh i hadien wa yahkhmat da ka seiñ JNC wa JSU deilang kiwa chong chnong ka Daistong kiwa dapoi ha Shillong yow lai toor cha Secretariat ynne ka sngi.
Hawa klam hadien i yachem wa u Symbood Montri Rangbah, u Sniawbhalang Dhar, u President ka JNC, u Sambormi Lyngdoh da ong u wa i yaklam ym em mih soh i neidaw wa u Sniawbhalang da ong u wa kani ka kaam ymtoh kawa em ha kti u, tangwa daw yaklam u wa u Montri Rangbah ka jylla.
Da ong u wa ya kattæ u pynkut noh yei yakhih ha Shillong, tangwa neiliang ka seiñ daw pteiñ biang ko yei yakhih ha ka 20 tarik uni u bnai hakhmat ka yung kreh kaam u Deputy Commissioner ka East Jaiñtia Hills yow pyrchah ya ka Public Hearing ka Shree Cement, kawa da booh wow pynman ha ka 22 tarik mynta uni hi u bnai, ha Lum Syrman, Elaka Nongkhlieh.
U Sambormi da ong u wa lada e laad wow lai bait ka Public Hearing mut i wa ka sorkar da rem ko hei kaam wa toh u leh ko.
Discussion about this post