Ha ka 19 tarik uni u bnai heipor wa ki pulit ka Sohra Police Station dang pynman ki yei kynreh kari, da yoo ya kawi ka thuk-thuk kawa da dong chadien cheiliang Shillong mar ya yoo ya ki pulit.
Kamtæ da kdong ya kani ka thuk-thuk wei da yoh wow ksoh ka ha Mawjrong deiwa yarap kiwa chong chnong.
Kani ka thuk-thuk toh ka rong soo kawa man ka Yamaha R15 kawa em ya u Number ML-05R-5346 kawa da chah tooh hei miet ka 19 tarik hi heipor 7:00 waje i miet na Laban, Shillong.
Uni u bru wa tooh ya kani ka thuk-thuk da tip kam u Banpliebok Khongsder (26 snem) uwa na Pomshutia, Pynursla, East Khasi Hills.
Da chem leh wa i thmu u toh wow lai cha khappood ka Bangladesh.
Ka takit dang lai ko chakhmat yow tip ya kiwi de kiwa emkti wow tooh thuk-thuk na Shillong.
Discussion about this post