Ka VPP East Jaiñtia Hills District ynne da pynman ko yei yakhih chong kyllaiñ myngngor hajan u mot Kiang Nangbah wa em ha pchem u DC ka East Jaiñtia Hills District ha Khliehriat yow pyrchah yei pynman ya ka Public Hearing ka Shree Cement ha Lum Syrman.
Ha kani ka jooh ka sngi ka seiñ JNC wa JSU leh da pynman ki ka yakhih wa joor heiwa da dapoi cha u pood wow psiah yabor chapoh ka yung krehkaam u DC.
Neiliang u President ka VPP East Jaiñtia Hills, u Damewanhi L Rymbai da ong u wa ka VPP ha ka 22 tarik uni u bnai kawa man ka sngi wa thmu wow pynman ya ka Public Hearing, neiliang ka Party daw em ko ha pchem u DC hi wei lada u DC lai u wow pynman ya kani ka Public Hearing daw em ka yakhih wa joor bha ha Khliehriat wa ha DC Office wei ye u jia iwa sñiawsih.
Da kyntu ya ka sorkar wa katwa ki paidbah dang leh ki deiwa jai-jai wow pyndam ya kani ka Public Hearing yow lait u pynbor ya ki paidbah wow chim ya ka aiñ ha kti yong ki.
Da ong u leh wa lada ka sorkar ym wai ko ya u mooyong, ki Cement Factory waroh leh hap ki wow khang.
Discussion about this post