Ka United Joint Action Committee of Non-Governmental Organizations, East Jaiñtia Hills, lyngba u President, u Daowanhi Rymbai wa u Borning Siangshai da lai booh dorkhat ki ha u DC ka District yow pynbiang ki bor pulit heipor wa pynman ya ka Public Hearing ka Shree Cement ha Lum Syrman ha ka 22 tarik uni u bnai.
Kani ka seiñ da pynsñiaw ko yei kyrchaan yeini i pynman Public Hearing ka Shree Cement yow paan bor yow tih moochuni ha Lum Syrman ha i thaw wa heh 217.394 Hectare deilang wow booh ya ka Primary wa Secondary Crusher.
Da ong wa deiwa wan ini waroh daw pynku ko ya kamai kajih ka thaaiñ deiwa em boon kiwa yoh kreh najrong wow wanrah ki kaam pynroi iwa daw pynku yei rukom im kamjooh i heh i san ka thaw.
Da e yaroh leh ya ka sorkar wa da pynkhreh ko wow pynman ya kani ka Public Hearing yow yoh kiwa chong chnong u pynsñiaw yeiwa kwah ki.
Kamtæ da ong yow ye u lai bait kani ka Public Hearing, da emkaam wow pynbiang ki bor pulit yow pyntikna wa lai bait wei yow yada leh ya kiwa wan chibynta kamjooh wow pyntikna wa waroh u yoh ki u chimbynta khamtam ki bru ka Nongkhlieh Elaka.
Discussion about this post