Kam chibynta wow pynsñiawthooh paidbah yeiwa em du uwi donhi u Emergency Number, utæ u ‘112’ hapoh ka Emergency Response Support System (ERSS), neiliang ka yung krehkaam u District Magistrate ka East Khasi Hills District, da phah u ya waroh ki Block Development Officers (BDO) wa em hapoh ka District wow pynman yei lai pynsñiawthooh paidbah ha jar jiar ki thaw wa pait ki.
Ka Emergency Response Support System toh kawa da e yarap wei chakri nadooh u 2018. Wei ha kini ki snem wa da lai da wanrah boon iwa thymme yow pynsuk pynpliah yei krehkaam deiwa kynthuplang ya waroh ki kaam e yarap wa jhan ha kiwa boon ki jait kaam wa ki thaw ki bhaw.
Neiliang ki bor District da ong ki wa u jop i krehkaam toh du deiwa em i pynsñiawthooh paidbah wow man i krehkaam ka Emergency Support System katkam wa da thmu wei yow ye leh u pynpoi cha waroh da ki bor sorkar.
Kamtæ da yooluti wa deiwa lai pynman yei pynsñiawthooh paidbah daw tip wa iwon iwon iwa emkaam yarap jhan ye wow yoh smat deiwa Phone ha u ‘112’ Helpline ha iwon iwon i por.
Discussion about this post