U Hemanth uwa tip leh kam u Dummu uwa 21 snem da chah kem noh u ha ki pulit hadien wa pynmynsoo u ya kawi ka khynnah hapoh ka skur sorkar ha Andhra Pradesh.
Kam wow pynkynmoo wa ha ka 31 tarik u October heipor kamwa 10:30 i step u Hemanth da pynmynsoo u ya kawi ka khynnah ha Zilla Parishad High School wa em ha Rapthadu, Anantapur District, Andhra Pradesh deiwa ah ka da ka Chainsaw wei ini i da jia i hapoh ka kamra kani ka skur.
Kani ka khynnah wa chong Class 10 kawa 15 snem da mynsoo joor ko na kti, khmat wa rdang ha ini i jia wei da kit noh ya ka cha thaw sumaar.
U SP ka Anantpur, u Jagdish da ong u wa da kem ya u Hemanth heiwa da pyrchang u wow yut na kti yong ki wei heitæ da siat noh ki ya oo.
Ya u Hemanth da kit noh cha thaw sumaar katwa i takit dang lai i chaphrang hajrong ini i jia.
Ini i siat ya u Hemanth toh heipor wa tip ki pulit yei thaw wa rieh u ha i khloo wa em ha Atmakur ynnin i janmiet wei manda poi ki pulit heini da phah ya oo wow pyndem u tangwa da kawang u ki da ki moo wei da mut u leh wow dung ya uwi u pulit da ka tari iwa da pynman ya ki pulit wow siat oo.
Ki pulit da siat nyngkong ki ar kuli cha suiñ tangwa neidaw wa joor leh pyrchah u wei yut u da siat 6 kuli heiwa da toh u na waroh ar tylli ki kjat.
Discussion about this post