Kawi ka lieñsuiñ ka Learjet da haap ko ynnin ha Palm Beach County, Florida, USA heiwa da yap lut waroh 9 ngut wa em hapoh yong ka.
Kani ka lieñsuiñ Private Jet (kawa kit du 9 ngut) da mih ko na Austin-Bergstrom International Airport ha Texas wow lai cha North Eleuthera Airport ha Bahamas, da ong ka Federal Aviation Administration.
Ki Video wa mih ha Social Media da yoo ya kani ka lieñsuiñ wa haap ko kam u Missile ha sarok chwa wow pdung ko.
Ka National Transportation Safety Board da ong ko wa da sdang ko yei takit hajrong ini.
I haap ka lieñsuiñ da wanrah i yei thlu wa heh bha ha sarok da ong u Palm Beach County Commissioner, u Joel Flores heiwa da kyrriah leh ya ki 600 ngut ki bru na i thaw cha ki thaw wa chngaaiñ.
Heiyatoh wa ini da mih leh i Video wa sñiaw yei yaklam ka Pilot wa ka Air Traffic Control chwa wow haap ko ha sarok heiwa da ong ko wa da hiar syndet ka lieñsuiñ da 10,000 ft chi minit.
Discussion about this post