Wanrah ka Assam ya ka UCC Bill yow khang yei em kurim boon ngut | U tipmit ya kiwa sahlang kam ki chi kurim

Ka sorkar Assam ynne da wanrah ko ya ka Uniform Civil Code, Assam, 2026 Bill hapoh ka yung dorbar chna aiñ iwa pynman wow emkaam u Register yei sahlang ki chijur (Live-in Relationship) wei wow khang nei em kurim boon ngut. 

Ya kani ka aiñ da kyntait da ka Liang Pyrchah deiwa ong wa emkaam bha u klam yillu ya ka.

U Parliamentary Affairs Minister, u Atul Bora da wanrah u ya ka Bill heithaw u Chief Minister, u Himanta Biswa Sarma.

Kani ka Bill daw pynsuk ko ya ki aiñ wa yatoh wa i chong kurim, i yalait kurim, i rap pateiñ, kamjooh i sahlang ki chijur chirup. 

Related posts

Pdiang u Hally War ya ka Padma Shri Award na ka President ka ri

May 25, 2026

U pynman ka Employment Exchange Jowai ya ka Free Coaching & Computer Training deiwa e leh ka Stipend

May 25, 2026

Chooh chooh da booh ya i rta wow bia heiwa ki chynrang toh u em ki 21 snem katwa ki kynthai won 18 snem.

Kani ka aiñ wanrah ko leh yei tipmit yei chongkurim lada sahlang ki chijur chirup kamjooh leh wow tipmit wei yada ya ki khon yong ki.

Kani ka aiñ ym ktah ko ya ki Scheduled Tribe wa sah ha Assam.

Neiliang ki MLA ka Indian National Congress wa ka All India Trinamool Congress da kyntait ki ya kani ka Bill deiwa ban joor wa emkaam u pyrkhat yillu bha ya ka.