U President ka Meghalaya Pradesh Congress Committee (MPCC), u Vincent H. Pala ynne da kam u wa ka National People’s Party (NPP) da sdang ko wow mih i yapiah hapoh ko wei daw yillu chooh chooh i ha kini ki sngi wow wan.
Hawa yaklam wa kiwa thoh khubor, u Vincent da ong wa da mih i sñiaw yaphær hapyrdi kiwa yahkhmat ka NPP ha kini ki por wa dep, khamtam kiyi wow yahkhmat heiyatoh wa ki kaam hapoh ka jylla.
Da kam u leh wa da mih chiboon i ya sñiawyapher hapyrdi kiwa yahkhmat na Khasi Hills wa Garo Hills heiyatoh wa i thung bru hapoh ka sorkar.
Katkam wa ong u Vincent, ini i sñiaw yaphær da wanrah ko yei yapiah hapoh ka Party iwa ye wow wanrah yei yapra iwa daw yoo bha ha ki sngi wow wan.
Heijooh i por da ong wa ha Meghalaya wa hapoh waroh kawi ka ri, ka Congress man ko du ka laad wa jied ki bru heithaw ka BJP.
Hapoh Meghalaya won da ong u wa ki bru da pait bniah bha ki yeiwa da jia wei ki paidbah da em ki yei wym sñiawhun khamtam ki khynroo yei wym yoh kreh, i chitom ha ka kmai kajih, ka khayi pateiñ hapoh kani ka sorkar wa katni.
Discussion about this post