Ka Hima Sutnga Youth Federation (HSYF), ynne ka sngi da lai kyrpaad ko ya ka Meghalaya State Pollution Control Board (MSPCB) wym toh u pynman Public Hearing yong ka Shree Cement kat wym pu ye u pynbait ya u pood u ang.
I daw hi toh wa ki thaw kiwa kani ka Company Shree Cement thmu ko wow tih moochuni man ki leh kiwa haap hapoh u pood ka Elaka Sutnga wei kani ka Company da leh ko yeini khlem da tip næ khlem yoh NOC na ka Elaka Sutnga.
Kamtæ da ong wa lada jia wa ka MSPCB pyrchang ko wow lehbor næ wow pynman biang ya ka Public Hearing yong ka Shree Cement, ka HSYF daw pynman ko yei yakhih wa eh wei lada em wa jia iyi iyi, daw hap bahkhlieh ka yung krehkaam ka MSPCB wa ka yung krehkaam u DC.
Discussion about this post