Ki ar ngut ki dkhot ka KSU kiwa da chah kem ha ka 29 tarik u Naisan deiwa chah pynbaad wa emkti heiwa jia ha ka Resort wa dang chna ka Centre Point Group wa em ha Liatkynsew, EKH ha ka 28 tarik u Naisan heiwa da em kiwa kreh mylla da mynsoo ki, ynne da yoh jamin ki.
Kini kiwa da yoh jamin toh u Lodes Khyllep wa u Dame Shullai kiwa man kam ki dkhot ka KSU Mawlong Unit, heiwa neiliang ka seiñ da lai synraan ko ya ki hawa mih napoh patok ka Shillong District Jail deiwa ong wa kini toh kiwa chakri ya ka jaitbru tangwa da hap chah kset ki kamwa 7 sngi deiwa jngai na ka yung ka sem.
Ka seiñ da e khublei ko leh ya ki bei ki pa kini ki ar ngut kiwa da ong wa manda lait patok ki leh daw pynchlur ya ki yow nang dukhi wei nang chlur i mynsien yow lai ki chakhmat neibynta i eh ka ri wa ka jaitbru kam ki dap chynrang wei rap niar u yoh kam kini ki khynroo neibhah katni boon toh kiwa pyrkhat yei yong samen.
Da ong leh wa ini toh iwa sdang wei ymtip mynnu u poi biang cha kani ka jooh kawa man kam ka yung kawa pynkhreh yei man chynrang i mynsien bru wei neini chakhmat da pynchlur palat yeiwa chah pynbor wei chah thok chah pharep.
Da maham leh ya kiwi kiwa da pyrchang wow tlep ait miaw ya iyi wa da leh bakla ki, da maham leh ya kitu kiwa lait ware u thylliej wow suki ki kiaw wei wow e laad ya ka yung bichaar wow leh ko yei kaam ko wei ya kitu kiwa pynrem madan madiah ya ki dkhot, kani toh ka sien wa khaddooh ya kitu kiwa ak pliah wa daw lai sai ki na yung.
Discussion about this post