I ka’it wow chna Reel neibynta ki Social Media da pynngat i ya ka bru heiwa khor wei katkam iwi i Reel da yoo ya kawi ka bru wa piam ya ka khynnah kynthai heiwa da chah u ksoh Steering ko.
Ini i Video namo i Reel da pynman i ya ki pulit ka Guwahati wow chimkhia yeiwa leh kani ka bru.
Katkam i ong u Guwahati Police Commissionerate, ki pulit ka Khanapara Traffic Outpost da booddien ki wow kem ya ka Sabita Das kawa na Lakhimpur hadien wa poor i Video ko Online.
Ha ini i Video ka Sabita da piam ko ya ka khynnah kawa yah ya ka kari Tata Nexon.
Ka Sabita da khana ko wa ya i Video da riñ ha Beltola ha ka 2 tarik uni u bnai heipor kamwa 4:07 i step wei kani ka khynnah toh ka khonruid ko.
Neiliang ki pulit da sneiñ wei maham ki ya ka Sunita deiwa ong wa da chah pynngat ko hapoh ka Section 184(f) ka Motor Vehicles Act wei da knieh leh ya ka License yong ka yow pyndam (Suspend) ka.
Discussion about this post