U Health Minister, u Wailadmiki Shylla da ong u wa dadep booh sngi la ar sien wow wai noh ya ka Shillong Medical College (SMC) tangwa da pynsangeh noh chwa neidaw wym lait u Prime Minister ka ri, u Narendra Modi.
Hawa pyntip ynne ka sngi, u Montri da ong u wa ka sorkar jylla kwah ko wow wan wai da u PM ka ri ya kani ka Project wa khroo ya ka jylla, ka wow pynsah naam ha ki por wow wan wei dang yang kattu wow yoh i pyntikna ya ka sngi wa u Prime Minister u lait u wow wan wai ya ka.
U Wailad da ong u wa dadep pynkynmoo dang ini ha u Montri ka chnat i chait i khiah ka ri, u JP Nadda heipor wa wan wai u ya ka Hospital ha Jorabat, hajrong i emkaam wow wai noh ya kani ka thaw puræ Doctor ka jylla.
Heijooh i por da ong u wa ka sorkar da pynlai ko chaaid chaaid wow pynbiang yeiwa emkaam nadooh i tei i chna khnang wow pynman ya kani ka College kawa pawnaam wa kawa kynsai ha ka ri.
Discussion about this post