Ynnin ka sngi kawi ka lieñsuiñ ka Indian Air Force (IAF) wa tip kam ka AN-32 da pdung ko ha Jorhat, Assam katwa dang hiar madan ko heiwa da yap san ngut ki chipai.
Ha ini i jia kiwa yap kynthup ki ya u Squadron Leader Prashant Singh, u Flight Lieutenant Shubham Kumar, u Sergeant Jitendra Sharma, u Agniveervayu Khemaram Kumawat wa u Agniveervayu Danish Alam.
Ynne da mih i Video wa pynyoo yei por wa kani ka lieñsuiñ katwa dang hiar ko ha Runway wei da lai ko cha tidiang ha u phlang wei da thung ko dei thmut heiwa da kheiñ lyngkhot ko hadooh wa kopdiñ ko.
Katkam wa man katni ka India pynemkaam ko ya palat 100 tylli ki lieñsuiñ AN-32 wow kit ya ki mar kamjooh ki chipai heiwa da soi soskular ko hadooh USD 400 Million wa ka Company Antonov wa em ha Ukraine wow chna pynmiat ya ki 105 tylli kini ki lieñsuiñ.
Discussion about this post