Pyndam yei tipmit ya kiwi ki jaitbru | Pynsmat tipmit da ka aiñ ya kiwa chim kur na ka bei | Maham pynman yakhih

Ka Dorbar ki Waheh Kur Ri Jaintia ha ka yalang wa da pynman ko ynnin ka 22 tarik hei emlang kiwa yahkhmat seiñbhalang nadooh ki President, General Secretary ka seiñ JSU, JNC, JSM, WJSU, ka Synjuk Waheh Chnong Ri Jaintia, Synjuk Waheh Chnong Jowai, ki waheh seiñ kur waphær waphær da pynsñiaw ki i sñiawkhia wa joor yei leh u Thombor Shiwat, CEM wa ka EC ka JHADC hajrong i smat pdiang wei tipmit chwa ki ya ki kur yong kiwi won ki jaitbru, katwa ya ka jait ka kur yong i wa chim na ka bei hun ki u dam khlem leh iyi iyi wot hadien wa da kyrpaad neipor cheipor da ka Dorbar Ki Waheh Kur Ri Jaiñtia.

Ong ki wa ini i leh u CEM wa ka EC ka JHADC da pyntakha ko ya waroh heiwa da rai ki wow kyrpaad ya u CEM ka JHADC wow pynsangeh pynkrehkaam chisiendon yei thoh wa da pynmih da ka Secretary JHADC dei wow booh ryntih næ chna aiñ chwa ya ka jait ka kur wa chim na ka bei.

Related posts

Psiah u MLA warim ka West Shillong cha ka BJP

June 23, 2026

Daw chna ya ka Meghalaya House wa thymme ha Vellore

June 23, 2026

Yeini toh u pynkrehkaam ha lane chwa ka 30-06-26 kamwa dadep e dei thoh na ka Dorbar Ki Waheh Kur Ri Jaiñtia.

Wei lada u CEM wa ka EC ka JHADC ym jubab ki kamwa da kyrpaad, i yakhih yong ki waheh kur chynrang wa kynthai, ki seiñbhalang, ki synjuk u sdang ko nadooh ka 02-07-2026.