Ka Venezuela da pynbna ko da ka State of Emergency hadien wa khih u khmi wa khlanbor ar sien, uwa 7.2 wa 7.5 ha sorbah Caracas heipor 6:04 PM ka 24 tarik i por katai ka ri.
Katkam ka United States Geological Survey (USGS), u khmi wa nyngkong toh uwa khlanbor 7.1 ha ka Richter Scale wei i tre u toh na Morón kamwa 168 Kilometre na nongbah Caracas wei yillu u 22 Kilometre.
Hadien kamwa chi minit da khih sa u khmi wa khlanbor 7.5 uwa yillu 10 Kilometre wei jngai u du kamwa 16 kilometre na Morón.
Da sakhi ya ki yung wa oor ha Caracas, heiwa da mih ki Video wa khih u khmi wei ki paidbah wa yut cha lait.
Ka President ka Venezuela, ka Delcy Rodríguez da ong ko wa da yap 32 ngut ki bru wei palat 700 wa mynsoo heiwa i pynlait wei yarap ya kiwi dang pteiñ i.
Chwa ini ka USGS da antaad ko kamwa 10,000 ngut wa yap ha u khmi wei ye u chadooh chi lak ngut.
Da em leh 20 tylli ki khmi pynbood (Aftershocks) wa khih hadien wa khih ki khmi wa khlanbor.
Ka Rodríguez da pynbna ko leh wow khang ya ka Maiquetia International Airport hajan Caracas wei da kyntu ki leh ya ki paidbah wow man kiwa syndong.
Ki dur wa ki Video kiwa da poor da yoo lakam wa ki yung ki sem kiwa da pra toh nei chah dat Bomb heipor thma heiwa em ki yung kiwa da pra phrai, ki yung wa boon mala kiwa da chariñ najrong ki Hotel wa bna naam ki wym tip de tang i dur hadien wa da pra phrai.
Discussion about this post