U SP ka South West Khasi Hills District da pyntip u wa hadien wa yoh FIR na ka Balapynhun Nongrum kawa chong chnong ka Mawyrwat wa ka diah ko da pynkut ko yei mynsien deiwa pasi ha ka 19-04-26 heipor 6:40 i janmiet neidaw wa chah pyndik, chah maham ko ha uwi u bru uwa da ong wow thaad ka deiwa pynpoor ya ki dur wa ki Video yong ka ha WhatsApp wa Instagram.
Kamtæ da Register ya ka Case ha Mawkyrwat Police Station wei da pynman ya ka takit heiwa da chem wa uni u bru toh uwa na Surat District, Gujarat wei da kem noh oo ha ka 23 tarik uni u bnai heipor 2:30 i sngi da ki pulit ka South West Khasi Hills District deiwa yarap ki pulit ka Palsana Police Station, Surat District, Gujarat.
Uni u bru toh uwa tip kam u Sachin Nishad (22 snem) u khon u Yogendra Nishad wei da wanrah u ynne ka sngi hakhmat ka yung bichaar ka jylla hapoh i por wa da e bor ka yung kasari ka Surat.
Neiliang ki pulit da kyntu ki ya ki paidbah khamtam kiwa dang khynroo wa lada chah pyndik ki Online, lada em kiwa maham wow thaad wow daisarom deiwa pynyoo ya ki dur ki dar yong samen ki (Private Photos or Videos), ymtoh u chah ki deiwa suki hi-eh neibhah em ki laad yarap yow pynchitom ya kitu kiwa pyndik.
Da kyntu wow Phone ha u Emergency Police Assistant-122, ha u Cyber Crime Helpline: 1930, u pynemkaam ya ka National Cyber Crime Reporting Portal: www.cybercrime.gov.in, Women Helpline: 181, District Police Control Room: 8415886486, Mental Care Helpline: 14410, District Mental Health Helpline Number: 9612889267.
Ki pulit da ong ki leh wym toh u pynslem wei mar ya jia kam kini toh u pyntip wut-wut.
Discussion about this post