Ka Power Department dang pynman ko yei takit heiyatoh wa i tooh bordiñ ha ka jylla wei yeini da pyntip da u Commissioner & Secretary In-charge Power, u Sanjay Goyal.
U Sanjay da pyntip u wa da em ka Investigation Wing ka chnat wa kreh ha waroh ka jylla ym du ha ka thaaiñ Garo Hills wow pait yei chah tooh bordiñ.
Chooh chooh da ong u wa i tooh bordiñ wanrah i yei dooh nong ya ka chnat deiwa kyntu ya ki paidbah wow kreh wa ka chnat neibhah lym em kiwa tooh ym thut i rukom saam bordiñ ya kiwa boon.
U Sanjay da kubur u leh wa em i tooh bordiñ ha ki kattu katni ki bynta wei da yakhun ki leh ya ki lyngba ka Electricity Act wa chah ya ka chnat wow pynchitom ya ki.
Discussion about this post