Heiyatoh wa ka khubor wa da mih ha u Wyrta wa da pynmih lyngba u Waheh Chnong ka Mooshrot, West Jaiñtia Hills District, neiliang ka Office yong u Executive Engineer PWD (Roads) Shangpung Division, Shangpung da pynche ko wa i lut i sep iwa ka Dorbar Chnong Mooshrot da pynlut ko wow pynchna kajuk kajiak deiwa pyndap ya ki thlu wa em ha u sarok Sahsniang Mooshrot nei joor wa lai ki kari wa khia, daw su ka Office katkam ki kyndon krehkaam yong ka sorkar.
Wei wa lada dang emkaaam chooh chooh u pynchna lane Repair, ka Office ym chong kli-kti ko, tangwa u Repair katkam ki kyndon krehkaam yong ka sorkar.
Da ong leh wa kopsar em i sñiawthooh bakla hei yaklam ya pynbait ka chnong wa kiwa kreh ka Office wei yeini dadep ya pynche ya pynbait wa u Waheh Chnong ka Mooshrot wa neiliang yong ka Office ym em kular thok ko.
U Sarok Sahsniang-Mooshrot uwa jrong kamwa 8 Km wei toh u sarok uwa da rim bha. Ka Office pyrchang ko wow Repair neiwi i por cheiwi i por, tangwa lada sdang wei pteiñ ki kari wa khia u lai na uni u sarok daw em i eh ya kiwa chong chnong. Da kyrpaad leh ya ki kari wa rap khia wym hoi u lai na uni u sarok neibhah wa toh u sarok uwa tlotbor.
Da kyrmen skem wa ka sorkar daw thooh laad thooh luti ko u pynkhlan, u pynmiat pynbha chooh chooh ya uni u sarok ha ki por wa daw wan.
Heiyatoh wa ki Muster Roll, ka Office tip ko wa lai kreh tikna hi ki man-ka-sngi, tangwa neidaw wa jrong u sarok, chem chitom ki u pynkhooid, pynmiat pynbha neidaw wa smat jrong i khloo weiwa u sarok toh uwa da rap sih wei uwa da rim bha.
Hajrong ini, ka Office u ya krehlang ko wa ka chnong ha waroh ki por.
I pyntip na u K. Pakma, Executive Engineer, PWD (Roads), Shangpung Division, Shangpung.
Puræ leh: Deiwa kular ka PWD u su pynchna kiwa chong chnong ka Mooshrot ya u sarok ar sien tangwa chah thok
Discussion about this post