Pyndep ki Soo Langdoh ya ka Kñia Pyrthat ha Raij Jowai

Kamwa ki sngi ka lehniam Behdieñkhlam dang jan ki wei katkam ka hukum adong u Trekirot, neiliang ki chakri niam ka Raij Jowai hei yahkhmat u Dolloi kam u khlieh ka Elaka, u Pator, ki Sangot, ki Wasan, ki Kñi na ki Phra Kur Phra Kmai deilang ki Soo Langdoh na Raij Chyrmang, Raij Tuber, Raij Ialong wa ka Raij Jowai, hei step ka 29 tarik da pyndep ki ya ka lehniam kñia e ngooh wa chisien chisnem yow Syiem Pyrthat wa yow Mon Ryngklaw.

Ha kani ka step chwa wow mih na yung Langdoh; u Dolloi, u Pator, u Langdoh ka Langdoh, ki Sangot, ki Wasan deilang ki chakri niam ka Raij Jowai hap ki wow pyndep ya ka lehniam Pait Tpu iwa man neibynta u Dolloi, u Langdoh, ka Langdoh wa ka Raij ka chnong wei ka yurim yong kani ka Pait Tpu toh wow pynsabut hakhmat ka Dorbar Bru Dorbar Blai yei rukom krehkaam yong u Dolloi kam u Khlieh ka Niam, Khlieh ka Elaka, ka Langdoh, u Langdoh kam ki chakri niam ka Raij wa kamjooh ka Raij ka chnong.

Hakhmat ka duwan u Syiem Pyrthat ha Loom Mookhai ya kani ka lehniam næ kñia e ngooh da pyndep da u Sangot Paswet deilang i synraan u Sangot Pasubon wa u Sangot Pakynteiñ kiwa man ki Pateiñ Khon-Pateiñ Ksu ka kur Sookpoh Khad-Ar Wyrnai.

Related posts

Daw pynman ya ka Lehniam Yadaw Masi ka Seiñ Raij Nongjngi

June 25, 2026

Wow e ngooh ya ki Soo Dwar wa ka Tawiar ka Takan, pyndep ka Raij Jowai ya ka Kñia Khang

June 7, 2026

Hadien na Loom Mookhai da pyndep won ya ka lehniam wa sah ha Madan Kñia Pyrthat deiwa emlang ki khon ka Raij Jowai ryngkat ki waheh na Raij Kongwasan Chyrmang, Raij Tuber wa Raij Ialong.