Ka Dorbar Chnong Pamra Kmai kawa em ha East Jaiñtia Hills District, ynne ka sngi da booh FIR ko ha Ladrymbai Police Outpost hadien wa ki Pipe um JJM ha ka chnong kiwa dadep chna, da chah tooh ki ha man ki dong ki chnat yong ka chnong ha ki bru wym tipmit.
Ini da man i dooh nong ya ka chnong kamjooh ya ka chnat PHE ka sorkar wei i chah tooh toh hadien wa da ieh kamtu hi-eh ya ki Pipe khlem da yoh u pynpoi um wot hadien wa dadep u pyndait ya ki Pipe um cha man ki thlu yung yong kiwa chong chnong.
Kamtæ dei sñiawkhia yeini wa jia, ka dorbar chnong da kyrpaad ko ya kiwon kiwon kiwa tip wow pyntip ki cha kiwa yahkhmat chnong yow ye ka chnong u leh deiwa eh ya kitu kiwa myllien u tooh wei daw e nong leh cha kiwa bien u wan pyntip.
Neiliang u Officer In-charge ka Ladrymbai Police Outpost da kular u wow chimkhia hajrong ini i kaam.
Yeini wa chah tooh ki Pipe um da pyntip leh cha ka yung krehkaam u SDO, PHE – Rymbai Sub-Division, East Jaiñtia Hills District.
Discussion about this post