Ki Biate wa ki Hadem wa e jait pa ym yoh ki i jooh i tipmit kam kiwa e jait bei: CEM JHADC

U CEM ka JHADC, u Thombor Shiwat hawa klam wa kiwa thoh khubor ha ka 29 tarik uni u bnai hadien wa kiwa yahkhmat ka Dorbar Ki Waheh Kur Ri Jaiñtia dadep yachem yaklam ki wa oo hajrong ka mat dawa wa toh u wanrah noh da ka aiñ neibynta u tipmit ya ki kur wa chim jait na ka bei deilang ki Seiñ Kur, ki Waheh Kur waphær waphær wa em hapoh u pood ka District Council.

Neiliang u CEM ong u wa Ka Dorbar Ki Waheh Kur Ri Jaiñtia da pynjhan bha ko ya ka EC wow tipmit noh da ka aiñ ya ki Kur, wa hei sakhiat neiliang ka EC leh ong u da lai luti ki da rap slem lyngba ka Committee kawa da chna ka Pnar Rule Advisory Committee neibhah ymtoh iwa suk u chna aiñ khlem da pynchong pynthiah bha ya ka riti dustur.

Khana u wa ha kani ka Committee da e bynta wow pynkhreh ko ya ka Clan Bill, tangwa neipor cheipor wa ka EC da paan Report ko leh tangwa ym ye ki u wanrah.

Kamtæ neidaw wa ka EC da kwah ko wa la kammon kammon toh u lai noh chakhmat ya kani ka kaam, da rai wow e kti noh cha ki Legal Expert næ kiwa chemphang wow booh hei thoh ya ki Kur ki Jait kamjooh ka hiar pateiñ wa i chim jait na ka bei.

Da pynche haroh u hajrong i pynbna ka JHADC wa dang ini wa dep ya ki jait kur Biate Tribe wa Khelma Sakachep Tribe kiwa tip leh kam ki Hadem heiwa da wanrah yei wym hun ki Waheh Kur Ri Jaiñtia.

Related posts

U chynrang wa dat ya ka kynthai toh u wym em de yachong wa ka

June 29, 2026

Kyntait ka Meghalaya High Court wow pyndam yei yoh jamin ka Sonam Raghuvanshi

June 29, 2026

U CEM pynche u wa ya ki jaitbru Biate wa ki Hadem kiwa e jait pa wa em hapoh Ri-loom Jaiñtia, da tipmit ya ki du kam ki Tribal, tangwa ymtoh won ki Indigenous Tribe kam kiwa e jait bei.

Khana u wa ki kwah ki u yoh tipmit kam kiwa e jait bei, tangwa da sñiawthooh kat wym toh kiwa e jait cha ka bei kamtæ ym ye u tipmit ya ki kam ki Indigenous Tribe.

Neitæ hajrong i pynkhreh ka JHADC neibynta ka Clan Bill ong u wa mar ya dep Draft daw ya pait  bichaar bniahlang chwa khnang wa kawon kawon wa leh ka Council u pynhunlang ko wei yow lait u mih i kulmar.

Neiliang kiwa yahkhmat ka Dorbar Ki Waheh Kur Ri Jaiñtia wa kynthup ya u President, u Khroo L Pariat, u General Secretary u G.H. Bareh deilang kiwi won leh da pynsñiaw ki i kmen neibhah wa ha i yachem wa u CEM pyntip u ya ki wa ka EC da chimkhia ko u lai luti ya kani ka mat neibynta u yoh tipmit noh da ka aiñ.

Yooluti wei angnood ki leh wa ka JHADC u pyndep smat ko khnang yow chngaaiñ ki kur wa chim jait na ka Bei.

Wei hajrong i thmu yong ki u yakhih mih sarok lada ka JHADC ym jubab ko iyi iyi yei thoh wa da booh por ki hapoh ka 30 tarik uni u bnai, ha kani ka sngi da pynbna ki wow pyndam noh ya ka deiwa yooluti wow dang pteiñ i yaklam i ya e yumut wa i yakrehlang wa ka JHADC neini chakhmat.