U chynrang wa dat ya ka kynthai toh u wym em de yachong wa ka

Ki pulit ka West Khasi Hills da kem ki ya uwa 23 snem i rta uwa man u bru uwa dat ya ka kurim hi u tangwa ki wym de yachong wei da kem ya oo hadien wa poor i Video yeiwa jia heiwa ki pulit da booh ki da ki hi ka Case wei da pynman leh yei takit.

U SP ka West Khasi Hills, u Herbert Kharkongor da ong u wa ini toh iwa da jia ha ka 28 tarik uni u bnai ha u sarok Nongstoiñ Bypass uwa man leh kam chibynta u sarok NH-44E tangwa ym em won poi kawon kawon ka ujor.

Ya uni uwa chah kem da tip kam u Fasdingson Wanniang (23 snem) uwa na ka chnong Mawkadiang wei ym em de yachong u wa ka kynthai kawa 22 snem i rta la chi snem chiteiñ.

Ki pulit da chem ki leh wa kani ka kynthai toh kawa lai ke wa ki lok ko heiwa u Fasdingson da bood u ka cha ini i thaw heiwa da jia ini waroh.

Kam wow kdaw heini wa ya u Fasdinson da yoh kem chwa da ka Village Defence Primary Committee Nongstoin Area (VDPCNA) wa ka Village Defence Party (VDP) ka chnong Mawkadiang kiwa da e kti oo cha ki pulit.

Related posts

Ha ka sien wa nyngkong u rwai ya i Vande Mataram ha Red Fort ha ka Independence Day

August 12, 2026

Yooluti wow yoh Rs. 10 klur na ka ram wym em su ka sorkar pharæng cha ka yung ka sem uwa na Madhya Pradesh

August 12, 2026