Hanla ka Election MLA dang jngai ko, da sdang i yaknieh Ticket na West Shillong

Hanla ka Election MLA daw man ko ha u 2028, tangwa ki dak ki chin da mih ki wa da em i yaknieh ya ka Ticket na ka BJP na West Shillong hapyrdi u MLA warim, u Mohendro Rapsang wa uwa kitkaam warim ka RSS, u Homnath Gautam.

Hawa klam ynne ka sngi, u MLA uwa man leh uwa yahkhmat ka BJP, u AL Hek da ong u wa ka Party daw ya pynbait ko yeini i kaam da ka luti wow ya sñiawsuklang.

U Homnath Gautam da pynbna u wow yaleh ya ka Ticket yow yakhun na West Shillong Constituency hadien wa psiah u cha ka BJP ha u bnai wa dep ha Shillong.

U Hek da ong u wa ka Party ym pyrchah ko ya kiwon kiwon wei da khut sñiawbha ko ya waroh wow wan psiah cha ka BJP wei da kam u wa ka BJP daw yahkhmat ko ya sorkar ha Meghalaya ha u 2028.

Related posts

Chah tooh ka muna wa em ka poisa Rs.1 lak, i ksiar wa ki kot ki sla wa emkaam | Kyntu ka tre wow pynyuiñ

July 6, 2026

25 sngi chi bnai toh u yoh baam ki khynnah wa ki manbei wa dang kha khon tangwa ha East Jaiñtia tang chisien chi bnai leh ym em yoh: JNC

July 6, 2026

U Hek da chah khut sñiawbha u dang ini wa dep yow wai ya ka Office ka BJP ha u Mohendro Rapsang ha Mawbah wei katkam i ong u Hek, ka Party emkaam ko wow sai ko ya u bru uwa em ka laad wow jop.

Ha iwi won i liang, u Hek da ong u wa leh suki ka BJP yow pynbna ya u kyrtong MP chiteiñ samoi toh wa dang bichaar bniah yow yoh da uwa kynsai bha.