U Aibormiky Suchiang uwa man kam u Football Coach uwa na Dongmihsngi, Jowai da pyndep u ya ka All India Football Federation Goalkeeping Coach Level 1 Certificate ha West Bengal kawa da pynman nadooh ka 5 tarik hadooh ka 13 tarik u June, 2026.
Ya kani da pynman deiwa ya krehlang wa ka Asian Football Confederation.
U Aibormiky chwa ini da em u ya ar tylli ki Football License heiwa ynnin u snem da yoh u ya ka AFC C License wei em u leh ya ka National Institution of Sports Diploma in Football Coaching kawa da yoh u ha u snem 2020 ha Kolkata.
Da man u leh uwa nyngkong u Coach na Jaiñtia Hills wa yoh u ksoh ya waroh le tylli kini ki License.
U Aibormiky da yooluti u wow pynemkaam ya waroh iwa da yoh da em u deiwa pynku ya ki kaam yalehbol hapoh ka District kamjooh ka jylla yow saiñdur ya ka juk wa thymme nadooh kiwa yang kool wa kiwa yalehbol.
U Aibormiky toh uwa jooh yalehke wa ka Rangdajied United wa ka 7 Wasa heipor wa jop leh ya ka MSL ha u snem 2018.
Discussion about this post