Pyrchah Ka Synjuk Ki Nongsynshar Shnong Ka Bri Hynñiewtrep ya ka Land Bill ka KHADC

Ka Synjuk Ki Nongsynshar Shnong Ka Bri Hynñiewtrep (SNSBH) da rai ko wow yieñ pyrchah yei pynkylla ka KHADC ya ka aiñ deiwa wanrah ya ka Khasi Hills Autonomous District (Regulation and Administration of Land) (Amendment) Bill 2026.

Hawa klam hadien ka yalang yong ka synjuk wa da emlang leh ki Rangbah Kur, u General Secretary ka SNSBH, u R.L. Blah, da ong wa ka yalang da rai ko wow pyrchah bait ya ka Amendment Bill, 2026, yow dawa pyndam noh yei pynbna namo ka Notification wa da pynmih wei yow pyndong noh ya katai ka Bill.

Da ong u wa ka synjuk da rai ko leh wow pyntip cha ki chnong ki thaw wa ki Hima wow ya krehlang, wei hadien wa da pynbait pynbiang, ka synjuk daw lai e ko leh dei thoh cha u Lat, cha u Montri Rangbah ka jylla wa cha u Symbood Montri Rangbah wa pait ya ka chnat DCA ka jylla yow e kti yei rai wa ka synjuk da chim ko.

Hawa kylli, u R.L. Blah da ong u wa ka rai yong ka synjuk wow pyrchah ya kani Bill toh hajrong ka Clause 16 heiwa da pyndam noh ya ki kyntien wow yasyllok wa ki dorbar chnong, dorbar raid wa dorbar hima.

Related posts

Yap uwa yah kari hadien wa tyrrah ya ki nar rod wa kit ka kari le chaka | Mynsoo joor kawi

July 18, 2026

Psiah Semi Final u Kitkupar ha ka yakob WCOPA 2026 wa pynman ha Las Vegas

July 18, 2026

Da ong u wa ka synjuk ym em pyrchah ko yei krehkaam ka District Council wei u em ko deilang wa ka Council yow yada yei khyndaw u chyiap, tangwa wow ong wym emkaam de wow yasyllok wa ki dorbar chnong toh ka wym ye u pdiang.

Hawa kylli chooh chooh, uni uwa yahkhmat ka SNSBH da ong u wa ka synjuk ym lai yaklam ko wa u CEM ka KHADC hajrong kani ka kaam lada ym khut u, neibhah wa ka KHADC dadep rai ko khlem da khut yasyllok chwa ya kiwa synchaar chnong synchaar raid, synshar hima.