Ka Party Congress lyngba ka West Jaiñtia Hills District Congress Committee (WJH-DCC) ynne ka sngi da kitbok kitrwiang wei e khublei Behdieñkhlam wasuk wakmen ko ya waroh, khamtam ya ki khon ki Seiñraij waphær waphær kiwa pyndep ya ka Lehniam Behdieñkhlam ha uni u snem nadooh ka Seiñraij Jowai, Seiñraij Tuber, Seiñraij Muthlong, Seiñraij Ialong, Seiñraij Sohkymphor wa ka Seiñraij Mukhla.
Ka DCC West Jaintia Hills, kibok kitwriang wei e khublei kyrpang ko wa lyngba i pyndep ya ka Lehniam Behdieñkhlam myntu u snem da ki Raij yow yoh won i yei kyrkhu kyrdoh wa sarot tam na u Trekirot Kynrad nadooh i chait i nang, i mankhih mankhan kamjooh yow manbha man miat ki kaam ki jaam ha waroh ki liang.
Chooh chooh e wa lyngba kani ka Behdieñhlam yow beh ko ya ka khlam ka dait, ka kjut ka chitom, ka yachoon bichni hapyrdi ka jaitbru yong i, yow yoh won i yei kyrkhu kyrdoh wow wanrah i ya maya, i yatoh yumut kamjooh i yatylli hapyrdi ka jaitbru yong i, khnang wow nang roi nang ku i ha ki sngi ki por wa chakhmat.
Ini toh katkam wa e Wyrta na u DCC President ka West Jaintia Hills, u Rikut N Parien.
Discussion about this post